tempra

Tempra hefur hlotið ISO 14001 vottun

Thu, 18 Aug 2022 10:01:29 GMT

Tempra hefur hlotið ISO 14001 vottun

Tempra hefur innleitt umhverfisstjórnunarkerfi, til þess að ná stjórn á og bæta umhverfisáhrif starfseminnar. Umhverfisstjórnunarkerfið var tekið út af BSI á Íslandi og hlaut vottun BSI skv. ISO 14001 staðlinum, þann 9 ágúst 2022

Yfir 70% af frauðplastkössum eru endurunnir

Fri, 07 Jan 2022 10:08:02 GMT

Yfir 70% af frauðplastkössum eru endurunnir

Þetta má m.a. sjá í nýlegri skýrslu frá COWI/Aarhus University (Lassen o.fl, 2019) og upplýsingablaði frá EUMEPS, samtökum frauðplastframleiðenda í Evrópu (EUMEPS, e.d.). Samkvæmt EUMEPS eru framleidd um 1,8 milljón tonn af frauðplasti á ári í Evrópu. Um 70% af frauðplasti í Evrópu er notað í byggingaeinangrun, um 25% í pakkningar og 5% í annað. Árið 2017 var um 27% af frauðplasti, sem fellur til í Evrópu, endurunnið. Endurvinnsluhlutfallið var 34% í tilfelli matvælapakkninga (umtalsverður hluti þeirra er notað fyrir ferskan fisk og fiskafurðir) og 8% í tilfelli byggingaeinangrunar. Þetta endurvinnsluhlutfall frauðplasts er heldur lægra en heildarendurvinnsluhlutfall alls plasts í Evrópu, sem var 31,2% árið 2016 (Lassen o.fl., 2019).

Þessar endurvinnslutölur hafa hins vegar hækkað mikið síðan 2017. Árið 2018 gaf EUMEPS út markmið um að árið 2025 verði 50% af öllum fiskikössum í Evrópu endurunnið (EUMEPS, 2018). Frá því þetta markmið var sett hafa hlutirnir hins vegar þróast það hratt að EUMEPS hefur endurskoðað markmiðið á þann veg að nú er stefnt að 80% endurvinnsluhlutfalli fiskikassa úr frauðplasti í Evrópu og 90% árið 2030 (EUMEPS, e.d.). Endurvinnsluhlutfall fiskikassa úr frauðplasti er þegar komið yfir 90% í t.d. Noregi, Danmörku, Hollandi og Grikklandi (sjá mynd). Í Írlandi og Portúgal er hlutfallið komið í 75% og yfir 70% í Englandi.

Heimildir

Carsten Lassen, Marlies Warming, Jesper Kjolholt, Line Geest Jakobsen, Nijole

Vrubliauskiene, Boris Novichkov, Jakob Strand, Louise Feld, Lis Bach. 2019. Survey of polystyrene foam (EPS and XPS) in the baltic sea-Final report. COWI/Aarhus University/Danish fisheries agency/Ministry of environment and food of Denmark.

EUMEPS. e.d. Sustainable fishing industry well supported by recyclable EPS fish boxes – Fact sheet on EPS fish box recycling in Europe .

EUMEPS. 2018. EUMEPS EU Voluntary Pledge .

Nýr framkvæmdastjóri Tempru

Wed, 02 Sep 2020 10:11:28 GMT

Nýr framkvæmdastjóri Tempru ehf.

Hafnarfjörður 1. september 2020

Magnús Bollason hefur verið ráðinn sem framkvæmdastjóri Tempru ehf og hefur hann störf í dag 1. september. Tempra framleiðir umbúðir til flutnings á ferskum matvælum og einangrunarplast til byggingarframkvæmda. Félagið rekur tæknivædda verksmiðju að Íshellu 8 í Hafnarfirði og hjá því starfa um 30 manns.

Magnús hefur undanfarin 20 ár starfað hjá Nóa Síríus, síðustu 12 ár sem framkvæmdastjóri framleiðslusviðs. Hann er með MS gráðu í stjórnun og forystu og BS gráðu í viðskiptafræði frá Háskólanum á Bifröst og BS gráðu í iðnaðartæknifræði frá Tækniskóla Íslands.

„Tempra er traust og framsækið fyrirtæki sem er þekkt fyrir frábæra þjónustu við viðskiptavini sína, nýsköpun og vörugæði. Það er mjög spennandi og skemmtilegt að hafa fengið tækifæri til að ganga til liðs við þann frábæra hóp starfsfólks sem starfar hjá fyrirtækinu og taka þátt í því að þróa það áfram og efla enn frekar.“ Sagði Magnús er hann mætti til starfa í morgunsárið."

Þegar pönnukökur bakast

Fri, 29 May 2020 10:19:19 GMT

Hann Villi bílstjóri er engum líkur, fer létt með ýmislegt annað en bara heilu brettin af frauðplastkössum og húsaeinangrun :)

Síaukin endurvinnsla á frauðplasti

Tue, 26 May 2020 12:41:40 GMT

Á tímum aukinnar vitundarvakningar um umhverfismál er ekki úr vegi að benda á það sem vel er gert. British Plastics Federation (BPF), sem eru elstu atvinnugreinasamtök heims í plastiðnaði, birtu fyrir nokkrum árum áhugavert myndband um lífsferil frauðplastkassa :

Myndbandið gefur góða innsýn í hve umhverfisvæn lausn frauðplastkassinn er til flutnings og geymslu á ferskum fiski. Frá því myndbandið var birt, þ.e. sl. 6 ár, hefur sífellt meiri áhersla verið lögð á að þróa tækni til að endurvinna notaða frauðplast-fiskikassa í hráefni til framleiðslu á frauðplastkössum. Með því móti má loka hringnum alveg, þ.e. nýta sama hráefnið aftur og aftur til að framleiða frauðplastkassa í stað þess að framleiða annars konar plasthluti úr endurunnu frauðplasti. Þessi tækni er nú þegar til staðar, sjá t.d. hér :

Samtök frauðplastframleiðenda í Evrópu, EUMEPS, hafa gefið út markmið um að árið 2025 verði 50% af öllum fiskikössum endurunnið í PS hráefni, sem nota má til að framleiða fiskikassa úr EPS, sjá hér :

Að lokum er vert að benda á frekari upplýsingar um endurvinnslu á plasti:

Neyðarkall björgunarsveitanna

Tue, 12 Nov 2019 12:40:29 GMT

Fjáröflun björgunarsveita landsins er hluti af því að styrkja og efla starfsemi þessa mikilæga hluta samfélagsins. Tempra lætur ekki sitt eftir liggja og hefur í gegnum tíðina stutt við bakið á björgunarsveitunum með kaupum á Neyðarkallinum.

Við óskum björgunarsveitunum góðs gengis í fjáröflun sinni og vonum að sem flestir styðji við bakið á sveitunum.

Hlökkum til að sjá þau aftur að ári enda vinna björgunarsveitirnar ótrúlega flott starf um allt land og eru ávallt til taks þegar á þarf að halda.

TEMPRA framúrskarandi fyrirtæki

Fri, 25 Oct 2019 11:35:52 GMT

Fjárhags- og viðskiptaupplýsingafyrirtækið Creditinfo vinnur árlega ítarlega greiningu á fyrirtækjum skráðum á Íslandi og gefur út lista yfir framúrskarandi fyrirtæki ársins. Einungis þau fyrirtæki sem uppfylla ströng skilyrði Creditinfo, að teknu tilliti til þátta sem varða rekstur þeirra og stöðu, komast á listann.

TEMPRA er stolt af því að komast enn og aftur á lista Creditinfo en alls eru 874 fyrirtæki á listanum eða aðeins 2% skráðra fyrirtækja á Íslandi.

Stöflunarstyrkur frauðkassa Tempru er um 500-860 kg

Fri, 06 Sep 2019 11:33:39 GMT

Stöflunarstyrkur allra helstu kassategunda Tempru hefur nú verið mældur í tilraunaaðstöðu Háskóla Íslands. Kössum var komið fyrir á sléttu, láréttu gólfi og þrýst ofan á lok þeirra með jöfnum þrýstingi. Stöflunarstyrkur reyndist að meðaltali vera milli um 5,0 til 8,5 kN, sem jafngildir um 500 til 860 kg þunga.

Ef þessar niðurstöður eru bornar saman við þann meðalþunga, sem hvílir á neðstu frauðkössum á fulllestuðu vörubretti, þ.e. um 50 til 190 kg, fæst öryggisstuðull milli 4,2 og 9,9. Þetta þýðir að miðað við þessar bestu mögulegu aðstæður, þ.e. kyrrstæður brettastafli á láréttum fleti, þola frauðplastkassarnir 4,2-9,9 sinnum meiri þunga en þeir verða í raun fyrir.

Allar hreyfingar (flutningur) og annað álag, sem kassarnir verða fyrir, hafa vitaskuld áhrif til lækkunar á þessum öruggisstuðlum.

Frekar má fræðast um þessa rannsókn í þessari skýrslu eða með því að senda fyrirspurn á Björn Margeirsson rannsóknastjóra Sæplasts/Tempru og dósent við Háskóla Íslands ( bjornm@hi.is ).

Nokkur orð um samstarf Tempru við Háskóla Íslands

Wed, 13 Mar 2019 11:31:07 GMT

Nánari upplýsingar eru á vef HÍ .

Drengöt rýra einangrunargildi frauðkassa

Mon, 09 Jul 2018 11:24:29 GMT

Franski matvælaverkfræðineminn Fabien Levray var hjá Tempru í maí og júní til að rannsaka m.a. einangrunargildi frauðkassanna okkar undir handleiðslu Björns Margeirssonar rannsóknastjóra og lektors við Háskóla Íslands. Hann komst m.a. að því að einangrunargildi 3ja kg gatakassa („gámakassa“) er um 7% lægra en einangrunargildi samsvarandi heilla, ógataðra kassa („flugkassa“). Nánari upplýsingar er að finna hér .

Efasemdir um ágæti gatakassanna m.v. heilu kassana hafa verið uppi sl. ár, sjá m.a. í tveimur neðangreindum skýrslum

Matís:

http://www.matis.is/matis/frettir/nr/3815

http://www.matis.is/media/matis/utgafa/03-17-Effects-of-packaging-solutions.pdf

Nánari upplýsingar veitir Björn Margeirsson (bjorn.margeirsson@tempra.is / bjornm@hi.is).

Lofandi léttari "laxakassar"

Tue, 05 Jun 2018 11:21:26 GMT

Niðurstöður nýlokins meistaraverkefnis Sigurðar Jakobs Helgasonar í vélaverkfræði við Háskóla Íslands benda til að hanna megi enn betri, (eðlis)léttari frauðplastkassa, en þá sem Tempra framleiðir nú.

Tilgangur verkefnisins er að að minnka þyngd frauðplasts (EPS) kassa sem notaðir eru til flutninga á fiskafurðum án þess að minnka styrk þeirra verulega. Hægt er

að uppfylla þetta markmið með tveimur aðferðum, annars vegar með því að breyta lögun og þykkt veggja frauðkassana og hins vegar að minnka eðlisþyngd frauðplastsins
.Verkefnið skiptist í tvo hluta og snýst fyrri hluti þess um að gera mælingar þar sem styrkur og stífni frauðkassanna er skoðaður og eru þessar mælingar notaðar við gerð tölvulíkana af kössunum. Þrjár mismunandi mælingar eru gerðar fyrir bæði upprunalegu eðlisþyngdina (um 23 kg/m3) sem og fyrir tilrauna eðlisþyngdina (um 21 kg/m3). Þá er tölvulíkan gert fyrir hverja mælingu og niðurstöður líkana bornar saman við tilraunaniðurstöður. Aukamælingar eru gerðar með upprunalegu kössunum án drengata til þess að athuga áhrif drengata á stífni kassanna. Í seinni hluta verkefnisins er tölvulíkanið notað til þess að bæta hönnun frauðkassans með það markmið að minnka þyngd án þess að minnka styrk og stífni kassana. Fyrst eru gerðar breytingar á einni breytu í einu og áhrifin metin í tölvulíkaninu. Þegar niðurstöður þessara breytingar hafa verið skoðaðar eru hannaðar nokkrar útgáfur þar mörgum breytum er breytt í einu. Tölvulíkan er þá gert fyrir þessar nýju útgáfur og niðurstöður úr þeim líkönum sýna að hönnun A kemur best út með léttari eðlisþyndinni. Hönnun A er kassi sem er 10 % léttari og missir aðeins styrk í einu af þremur álagstilfellum sem skoðað er.

Bretti

Fri, 23 Mar 2018 11:16:28 GMT

Ágæti viðskiptavinur,

Tempra ehf hefur flutt inn og selt plastvörubretti frá 2010. Einnig eru þau seld undir öllum frauðplast umbúðavörum sem Tempra framleiðir.

Tempra ehf hefur hingað til tekið til baka bretti á sama verði og þau voru seld á. Það krefst vinnu að taka á móti og yfirfara ástand þeirra og vegna þeirra vinnu munu ónýt eða óhrein bretti ekki fást kreditfærð.

Hér að neðan eru lýsing á því ferli sem starfsmenn Tempru hafa sett upp til þess að halda utan um brettaskil:

Viðskiptavinur sem verslar bretti af Tempru og vill skila, þarf að fara inn á eftirfarandi slóð og skrá skilin:

https://www.tempra.is/is/vorurnar/umbudir/bretti

Þegar viðskiptavinur hefur sent beiðnina fer hún beint inn til afgreiðslu Tempru og viðskiptavinurinn fær staðfestingu þess efnis að beiðnin hafi verið mótttekin.

Brotin og/eða óhrein bretti eru tekin frá og fást ekki kreditfærð.
Brettum skal skilað í verksmiðju Tempru að Íshellu 8.
Starfsmenn Tempru móttaka skil á brettum við komu í Íshellu 8 og senda staðfestingu til sendanda.
Starfsmenn Tempru yfirfara brettin og útbúa kreditreikning í kjölfarið.

Berist bretti til Tempru án tilkynningar eða beiðni frá viðskiptavini þá ber Tempra ekki ábyrgð á því að kreditreikningur berist viðskiptavini.

f.h. Tempru ehf, Björn Sverrisson sölu og markaðsstjóri

Óþarfi að pakka í plastpoka vegna stýrens úr frauðkössum

Fri, 22 Dec 2017 11:14:30 GMT

Meginniðurstaða tilraunar, sem gerð var í sumar í samstarfi Matís, Háskóla Íslands, Eurofins og Tempru er að ekki er nauðsynlegt að pakka ferskum fiskflökum í plastpoka fyrir pökkun í frauðplastkassa, sem geyma og flytja á við kældar og ofurkældar aðstæður.

Um þetta má fræðast nánar í skýrslu Matís nr. 07-17, sem geymd er á vefsíðu Matís:

07-17-Styrene-migration-from-expanded-polystyrene-boxes-to-fish.pdf

Vottorð og yfirlýsingar

Wed, 16 Dec 2015 11:10:40 GMT

Vottorð og yfirlýsingar vegna umbúða og einangrunar má finna til vinstri á forsíðunni .

Frekari upplýsingar veitir Jón Þór Jónsson framleiðslustjóri ( jon.thor.jonsson@tempra.is ).

CE merking á 30 kg/m3 einangrun

Mon, 17 Nov 2014 11:07:54 GMT

Tempra hefur hafið CE merkingu á 30 kg/m3 (með 180 kPa þrýstiþol) plötueinangrun enda eru öll skilyrði til þess uppfyllt. Í stað EC samræmisyfirlýsingar má nú nálgast umsögn frá Nýsköpunarmiðstöð Íslands og yfirlýsingar um nothæfi 80-180 kPa einangrunar hér .

Nánari upplýsingar gefur Jón Þór Jónsson framleiðslustjóri ( jon.thor.jonsson@tempra.is ).

Lengri flök - lengri frauðkassar

Fri, 03 Oct 2014 11:06:11 GMT

Nýjasta afurð Tempru er ný 60x40 cm kassalína sem hönnuð er fyrir 10, 13 og 15 kg af ferskum flökum (sjá bækling hér fyrir neðan) og er ætlað að koma í staðinn fyrir eldri kassa með grunnflötinn 47x35 cm, sem mörgum viðskiptavinum þóttu of stuttir.

Helstu kostir nýju kassalínunnar eru eftirfarandi:

aukin lengd og rúmtak leiða til betri meðferðar á afurðum
lengri fiskflök raðast betur innan kassa
meira rými er fyrir ís eða kælimottur
rúnnuð hornin auka einangrun og lengja geymsluþol
breytt hönnun á hornum gerir kassana sterkari en áður
stærð kassanna er 60 x 40 sm og staflast þeir betur á vörubrettin
vegna aukins styrks er hægt að stafla í hærri stæður en áður
betri einangrun næst með þéttari stöflun á bretti

Nánari upplýsingar veitir Björn Margeirsson rannsóknastjóri ( bjorn.margeirsson@promens.com ).

Kæligeta og bræðslumark ísmotta og gelmotta eru sambærileg

Mon, 02 Jun 2014 10:36:53 GMT

Promens Tempra framleiðir ísmottur, sem einungis innihalda vatn og Ísgel á Blönduósi framleiðir gelmottur og hefur því verið haldið fram að mikill munur geti verið á kæligetu umræddra kælimotta. Þetta hefur nú verið rannsakað af óháðum aðilum, þ.e. iðnaðarverkfræðinemunum Hilmari Arnarsyni og Söndru Björgu Helgadóttur við Háskóla Íslands, sem nutu leiðsagnar Sigurjóns Arasonar yfirverkfræðings Matís.

Í tilrauninni komu þau fyrir hitasíritum innan í kælimottum, sem pakkað var í frauðplastkassa. Kössunum var komið fyrir í frysti í nokkra daga áður en þeir stóðu við stofuhita uns kælimotturnar voru að fullu þiðnaðar. Hitamælingarnar leiddu ekki í ljós marktækan mun á hvorki bræðslumarki ís- og kælimottanna (hann var u.þ.b. 0,0 +/- 0,3 °C) né kæligetu (hæfileika kælimottanna til að viðhalda lágu hitastigi matvöru).

Nánari upplýsingar um kælimottur Tempru gefa Björn Margeirsson rannsóknastjóri (bjorn.margeirsson@promens.com) og Björn Sverrisson Markaðsstjóri Tempru (bjorn.sverrisson(hja)tempra.is

Endurbættur 3,5 og 7 kg kassi.

Tue, 25 Jan 2011 10:33:13 GMT

Skýrsla Matís um samanburð endurbætts kassa Promens Tempru við hefðbundna hönnun frauðkassa á markaðnum.

Í stuttu máli sýna mælingarnar að ferskleikatímabilið er 2-3 dögum lengra og geymsluþolið 1-2 dögum lengra í nýja kassanum en þeim gamla. Þetta miðast við hóflegar hitasveiflur m.v. flutningskeðju frá Íslandi til Evrópu.

http://www.matis.is/media/matis/utgafa/29-10-Effect-of-improved-design-of-wholesale.pdf

Promens Tempra hefur fengið leyfi til CE merkingar

Tue, 25 Aug 2009 10:30:51 GMT

Promens Tempra hefur um langt árabil verið leiðandi í framleiðslu á EPS plasteinangrun á Íslandi.

Fyrirtækið uppfyllir nú kröfur staðalsins ÍST EN 13163:2008 "Varmaeinangrun fyrir byggingar - Verksmiðjuframleiddar vörur úr þöndu polystyrene (EPS) - Kröfur".

Promens Tempra hefur gefið út EC Samræmisyfirlýsingu sem byggð er á frumgerðarprófunum sem framkvæmdar hafa verið hjá Nýsköpunarmiðstöð Iðnaðarins, sem er tilnefndur prófunaraðili og eru umræddar framleiðsluvörur fyrirtækisins nú CE merktar

Samanburður á einangrun EPS kassa og PP kassa

Wed, 07 Sep 2005 10:26:16 GMT

Rannsóknarstofnun Fiskiðnaðarins framkvæmdi, að beiðni Tempru, nýlega samanburðarmælingar á einangrunargildi EPS kassa, (frauðkassa), og PP kassa, (bylgjuplastkassa).

Niðurstöðurnar komu ekki á óvart og ekki að ófyrirsynju að framleiðendur PP kassa taka skýrt fram á umbúðum sínum, að þær séu ekki hentugar til notkunar í flutningaferli þar sem búast megi við því að rof verði á utanaðkomandi kælingu á umbúðirnar.

tempra

Tempra hefur hlotið ISO 14001 vottun

Tempra hefur hlotið ISO 14001 vottun ﻿

Yfir 70% af frauðplastkössum eru endurunnir

Yfir 70% af frauðplastkössum eru endurunnir ﻿

Heimildir

Nýr framkvæmdastjóri Tempru

Þegar pönnukökur bakast

Síaukin endurvinnsla á frauðplasti

Neyðarkall björgunarsveitanna

TEMPRA framúrskarandi fyrirtæki

Stöflunarstyrkur frauðkassa Tempru er um 500-860 kg

Nokkur orð um samstarf Tempru við Háskóla Íslands

Drengöt rýra einangrunargildi frauðkassa

Lofandi léttari "laxakassar"

Bretti

Óþarfi að pakka í plastpoka vegna stýrens úr frauðkössum

Vottorð og yfirlýsingar

CE merking á 30 kg/m3 einangrun

Lengri flök - lengri frauðkassar

Kæligeta og bræðslumark ísmotta og gelmotta eru sambærileg

Endurbættur 3,5 og 7 kg kassi.

Promens Tempra hefur fengið leyfi til CE merkingar

Samanburður á einangrun EPS kassa og PP kassa

Tempra hefur hlotið ISO 14001 vottun

Yfir 70% af frauðplastkössum eru endurunnir